അടിപിടിയില്‍ സൗബിന്‍ അറസ്‌റ്റിലായോ ?; അന്ന് സംഭവിച്ചത് ഇക്കാര്യങ്ങള്‍ - പ്രതികരണവുമായി പിതാവ്
സെക്യൂരിറ്റി ജീവനക്കാരനെ മര്‍ദ്ദിച്ച കേസില്‍ നടനും സംവിധായകനുമായ സൗബിന്‍ ഷാഹിറിനെ പൊലീസ് അറസ്‌റ്റ് ചെയ്‌തെന്ന പ്രചാരണങ്ങള്‍ക്ക് തള്ളി പിതാവ് ബാബു ഷാഹിര്‍.
സൗബിനെ അറസ്‌റ്റ് ചെയ്‌തെന്ന തരത്തില്‍ പ്രചരിക്കുന്നത് അടിസ്ഥാന രഹിതമായ വാര്‍ത്തകളാണ്. രണ്ട് മാസം മുമ്പ് നടന്ന സംഭമാണ് ഇപ്പോള്‍ വാര്‍ത്തയായിരിക്കുന്നത്. പ്രശ്‌നം നേരത്തെ തന്നെ ഒത്തു തീര്‍പ്പാക്കിയതാണെന്നും ബാബു ഷാഹിര്‍ വ്യക്തമാക്കി.
കൊച്ചി തേവരയിലെ ചാക്കോളാസ് ഫ്ലാറ്റിനു മുന്നില്‍ സൗബിന്‍ കാര്‍ പാര്‍ക്ക് ചെയ്യാന്‍ ശ്രമിച്ചതിനെ തുടര്‍ന്നുണ്ടായ വാക്കേറ്റം കയ്യാങ്കളിയില്‍ കലാശിക്കുകയും, തുടര്‍ന്ന് സെക്യൂരിറ്റി ജീവനക്കാരന് മര്‍ദ്ദനമേറ്റുവെന്നുമായിരുന്നു റിപ്പോര്‍ട്ട്.
സെക്യൂരിറ്റി ജീവനക്കാരന്റെ പരാതിയില്‍ സൗബിനെ പൊലീസ് അറസ്‌റ്റ് ചെയ്‌തെന്നുമായിരുന്നു റിപ്പോര്‍ട്ടുകള്‍ പുറത്തുവന്നത്.
