ശില്‍പ്പ ഷെട്ടിയെ പ്രണയിച്ച് ചതിച്ചത് അക്ഷയ് കുമാര്‍?- നടിയുടെ വെളിപ്പെടുത്തൽ

തെലുങ്ക്, തമിഴ് സിനിമാലോകത്തെ ഞെട്ടിച്ചത് ശ്രി റെഡ്ഡിയുടെ വെളിപ്പെടുത്തലുകൾ ആയിരുന്നെങ്കിൽ ബോളിവുഡിനെ പിടിച്ചുകുലുക്കുന്നത് തനുശ്രീ ദത്തയുടെ വിവാദ വെളിപ്പെടുത്തലുകളാണ്. ഇപ്പോഴിതാ, തനിശ്രീക്ക് പിന്നാലെ നടി ശില്‍പ്പ ഷെട്ടി വിവാഹത്തിന് മുന്നെയുണ്ടായിരുന്ന തന്റെ പ്രണയത്തെ കുറിച്ച് പറഞ്ഞിരിക്കുകയാണ്. 

വിവാഹത്തിന് മുന്‍പ് തനിക്കൊരു പ്രണയം ഉണ്ടായിരുന്നെന്നും അത് തകര്‍ന്നപ്പോള്‍ തന്റെ ഹൃദയവും തകര്‍ന്നെന്ന് ശില്‍പ്പ പറയുന്നു. ശില്‍പ്പ ഷെട്ടിയും നടന്‍ അക്ഷയ് കുമാറും സീരിയസ് റിലേഷന്‍ഷിപ്പ് ഉണ്ടായിരുന്നതായി വാര്‍ത്തകള്‍ വന്നിരുന്നു. പ്രണയം തകര്‍ന്നതോടെ അദ്ദേഹത്തെ ചതിയന്‍ എന്നായിരുന്നു നടി വിളിച്ചത്. 

അടുത്തിടെ അഭിമുഖത്തില്‍ ശില്‍പ്പയുടെ വെളിപ്പെടുത്തല്‍ അക്ഷയ് കുമാറിനെ കുറിച്ചാണെന്നാണ് സൂചന. അതേ സമയം സല്‍മാന്‍ ഖാനുമായി നടി അടുപ്പത്തിലായിരുന്നുവെന്നും നടി പറയുന്നത് സൽമാൻ ഖാനെ കുറിച്ചാണെന്നും മറ്റൊരു കൂട്ടർ പറയുന്നുണ്ട്.  

2009 ലായിരുന്നു രാജ് കുന്ദ്രയെ ശില്‍പ്പ വിവാഹം കഴിക്കുന്നത്. അഭിനയ ജീവിതത്തില്‍ നിരവധി നടന്മാരുമായുള്ള ശില്‍പ്പയുടെ പ്രണയകഥകള്‍ മാധ്യമങ്ങളില്‍ വന്നിരുന്നു. ആദ്യകാലത്ത് അക്ഷയ് കുമാറുമായി ശില്പ പ്രണയത്തിലായിരുന്നു. എന്നാൽ, പിന്നീട് അത് തകരുകയായിരുന്നു.

എന്നെ പ്രണയിക്കുമെന്ന് പറഞ്ഞ് എന്റെ ഒരു സുഹൃത്ത് അയാളുമായി പന്തയം വെച്ചിരുന്നു. കേള്‍ക്കുമ്പോള്‍ സിനിമാക്കഥ പോലെ തോന്നിയേക്കാം. പക്ഷെ സത്യമാണ്. ഞങ്ങള്‍ പ്രണയത്തിലായി. പിന്നീട് ആ ബന്ധം തകര്‍ന്നു. കാരണം പന്തയം ജയിക്കുക എന്നത് മാത്രമായിരുന്നു അയാളുടെ ലക്ഷ്യം എന്നും ശില്പ പറയുന്നു.