വിക്രം നായകനാകുന്ന ഷങ്കര്‍ ചിത്രം ഐയുടെ റിലീസ് തടഞ്ഞു. ഈ മാസം 30 വരെ ചിത്രം റിലീസ് ചെയ്യരുതെന്നാണ് കോടതി ഉത്തരവിട്ടിരിക്കുന്നത്. പിക്ചര്‍ ഹൌസ് എന്ന കമ്പനി നല്‍കിയ ഹര്‍ജിയിലാണ് കോടതി വിധി.
ചിത്രം ഈ മാസം 14 തിയേറ്ററിലുകളിലെത്തുമെന്നാണ് അറിയിച്ചിരുന്നത്.
180 കോടിയോളം രൂപ ചെലവഴിച്ച് നിര്‍മ്മിച്ച ചിത്രം അന്യന്‍ എന്ന സൂപ്പര്‍ഹിറ്റിന് ശേഷം ഷങ്കറും വിക്രമും ഒരുമിക്കുന്ന ചിത്രമാണ് . ചിത്രത്തിന്റെ ട്രെയിലറിനും ഗാനങ്ങള്‍ക്കും വന്‍ വന്‍ വരവേല്‍പ്പാണ് സോഷ്യല്‍ മീഡിയയിലും യുട്യൂബിലും ഇതിനോടകം ലഭിച്ചത്. ചിത്രത്തില്‍ അമി ജാക്സണാണ് വിക്രമിന്റെ നായികയായെത്തുന്നത്. മലയാളിതാരം സുരേഷ് ഗോപിയും ചിത്രത്തില്‍ പ്രധാന വേഷം അവതരിപ്പിക്കുന്നുണ്ട്. ഉപന്‍ പട്ടേല്‍,സന്താനം,മോഹന്‍ കപൂര്‍ എന്നിവരാണ് ചിത്രത്തിലെ മറ്റ് താരങ്ങള്‍. വി.രവിചന്ദ്രനാണ് ചിത്രം നിര്‍മ്മിച്ചിരിക്കുന്നത്. എ.ആര്‍ റഹ്മാനാണ് സംഗീതം നിര്‍വ്വഹിച്ചിരിക്കുന്നത്.