മനഃപൂർവ്വം സിനിമയെ തകർക്കാൻ ശ്രമം? കങ്കുവയുടെ ഭാവി എന്ത്?

സൂര്യ നായകനായ ബി​ഗ് ബജറ്റ് ചിത്രം കങ്കുവ ഇന്നലെയാണ് റിലീസ് ആയത്. ചിത്രം തിയേറ്ററിലെത്തി മണിക്കൂറുകൾക്കുള്ളിൽ അതിന്റെ വ്യാജൻ റിലീസ് ആയി. ഒന്നിലേറെ ഡൗൺലോഡ് ക്വാളിറ്റിയിലാണ് വ്യാജൻ പുറത്തിറങ്ങിയിരിക്കുന്നത്. ചിത്രം ലീക്ക് ചെയ്തവർക്കെതിരെ നടപടി സ്വീകരിക്കാനൊരുങ്ങുകയാണ് നിർമാതാക്കളായ സ്റ്റുഡിയോ ​ഗ്രീൻ.

തമിൾറോക്കേഴ്സ്, ടെലി​ഗ്രാം പോലുള്ള ടോറന്റ് പ്ലാറ്റ്ഫോമുകളിലാണ് കങ്കുവയുടെ വ്യാജ പ്രിന്റ് പ്രചരിക്കുന്നത്. ഇതിന് പുറമേ ചില ഓൺലൈൻ പ്ലാറ്റ്ഫോമുകളിൽ കങ്കുവായുടെ വ്യാജപതിപ്പ് പ്രദർശിപ്പിക്കുന്നുമുണ്ട്. ചിത്രം തിയേറ്ററുകളിൽനിന്ന് ചോർത്തിയവർക്കെതിരെ കർശന നടപടിയെടുക്കുമെന്ന് നിർമാതാക്കളായ സ്റ്റുഡിയോ ​ഗ്രീൻ വ്യക്തമാക്കി. ആന്റി പൈറസി ടീം സജ്ജരായിക്കഴിഞ്ഞു. വ്യാജപതിപ്പ് പുറത്താക്കിയവർക്കെതിരെ കർശന നടപടി സ്വീകരിക്കുമെന്നാണ് നിർമാതാക്കൾ വ്യക്തമാക്കുന്നത്.

കേരളത്തില്‍ നിന്നും മാത്രം 4 കോടി രൂപയാണ് ചിത്രം നേടിയത്. ചിത്രം ഇന്ത്യയില്‍ നിന്ന് മാത്രം 22 കോടി രൂപയാണ് നേടിയത്. ശിവയുടെ സംവിധാനത്തില്‍ എത്തിയ പിരീയോഡിക് ചിത്രമാണ് കങ്കുവ. ചിത്രത്തിന്റെ കഥ ദൈര്‍ഘ്യമുള്ളതാണെങ്കിലും ഇഷ്ടം തോന്നുന്നതാണ് എന്നാണ് ചിത്രം കണ്ട ചിലര്‍ അഭിപ്രായപ്പെടുന്നത്.