സൂര്യയുടെ കങ്കുവയ്ക്കും ടര്‍ബോ ജോസിനെ തൊടാന്‍ സാധിച്ചില്ല. 2024 ലെ ഏറ്റവും ഉയര്‍ന്ന ആദ്യദിന കേരള ബോക്‌സ്ഓഫീസ് കളക്ഷനില്‍ മമ്മൂട്ടിയുടെ ടര്‍ബോ തന്നെ മുന്നില്‍. റിലീസ് ദിനത്തില്‍ 6.15 കോടിയാണ് ടര്‍ബോ കേരള ബോക്‌സ്ഓഫീസില്‍ നിന്ന് വാരിക്കൂട്ടിയത്. ഇന്നലെ റിലീസ് ചെയ്ത സൂര്യ ചിത്രം കങ്കുവയുടെ ആദ്യദിന കേരള കളക്ഷന്‍ നാല് കോടിയില്‍ നിന്നു.
ആദ്യദിനത്തിലെ സമ്മിശ്ര പ്രതികരണങ്ങളിലും ബോക്‌സ്ഓഫീസില്‍ വന്‍ കുതിപ്പ് നടത്താന്‍ മമ്മൂട്ടി ചിത്രത്തിനു സാധിച്ചിരുന്നു. ഇതിനു പിന്നാലെ വിജയ്, രജനികാന്ത്, സൂര്യ എന്നിവരുടെ ചിത്രങ്ങള്‍ വന്നിട്ട് പോലും ടര്‍ബോയ്ക്ക് കുലുക്കമില്ല. വിജയ് ചിത്രം ഗോട്ട് (GOAT) 5.80 കോടിയുമായി രണ്ടാം സ്ഥാനത്താണ്. രജനികാന്ത് ചിത്രം വേട്ടയ്യനും കേരള ബോക്‌സ്ഓഫീസില്‍ മമ്മൂട്ടി ചിത്രം കുറിച്ച ആദ്യദിന കളക്ഷന്‍ മറികടക്കാന്‍ സാധിച്ചില്ല.
