ആട്ടവും പാട്ടവും ആഘോഷവും ഇന്‍സ്റ്റഗ്രാം റീല്‍സും ഒക്കെ കേവലം വിനോദത്തിന് മാത്രം, ദിയ കൃഷ്ണ ആള് നിസ്സാരക്കാരി അല്ല. ഒരു ബിസിനസ്സിന്റെ ചുമതലക്കാരി കൂടിയാണ് ദിയ. അഭിനയത്തിന്റെ ലോകത്ത് തിളങ്ങാന്‍ ആഗ്രഹിക്കുന്നതിനോടൊപ്പം തന്റെ സഹോദരിമാരില്‍ നിന്ന് വ്യത്യസ്തമായ ഒരു മേഖല തിരഞ്ഞെടുക്കുവാനും ദിയക്കായി.
'ഒ ബൈ ഓസി' ഇനി വെബ്സൈറ്റിലേക്ക് കൂടി സാന്നിധ്യം ഉറപ്പിക്കുകയാണ്. ഇതിന്റെ പ്രാരംഭഘട്ട ജോലികള്‍ ആരംഭിച്ചുകഴിഞ്ഞു. അശ്വിന്‍ ഗണേഷിന്റെ കൂടെ നിന്നാണ് ദിയ ഇതിനുള്ള കാര്യങ്ങള്‍ മുന്നോട്ട് ചലിപ്പിക്കുന്നത്. കഴിഞ്ഞ കുറച്ചു നാളുകളായി ദിയയുടെ എല്ലാ ഉദ്യമങ്ങള്‍ക്കും അശ്വിന്‍ ഗണേഷ് പിന്തുണയുമായി കൂടെത്തന്നെയുണ്ട്. ഇരുവരും നിലവില്‍ പ്രണയത്തിലാണ് ഇക്കാര്യം ദിയ തുറന്ന് പറയുകയും ചെയ്തു.
