പൂനം പാണ്ഡെയുടെ കുടുംബാംഗങ്ങളെ ഫോണില്‍ ബന്ധപ്പെടാന്‍ സാധിക്കുന്നില്ലെന്ന് ഇന്ത്യ ടുഡെ റിപ്പോര്‍ട്ടില്‍ പറയുന്നു. മരണ വാര്‍ത്ത അറിയിക്കാന്‍ പൂനത്തിന്റെ സഹോദരി വിളിച്ചിരുന്നു. പൂനത്തിന്റെ ഇന്‍സ്റ്റഗ്രാം പേജില്‍ മരണവാര്‍ത്ത പങ്കുവെച്ചതിനു ശേഷം സഹോദരിയെ ഫോണില്‍ ബന്ധപ്പെടാന്‍ ശ്രമിച്ചു. എന്നാല്‍ സഹോദരിയുടെ ഫോണ്‍ സ്വിച്ച്ഡ് ഓഫ് ആണെന്ന് നടിയുമായി ഏറ്റവും അടുത്ത ഒരു സുഹൃത്ത് പറഞ്ഞതായി ഇന്ത്യ ടുഡെ റിപ്പോര്‍ട്ട് ചെയ്യുന്നു.
' പൂനത്തിന്റെ സഹോദരിയെ വിളിക്കാന്‍ ഞങ്ങള്‍ ഒരുപാട് ശ്രമിച്ചു. പക്ഷേ ഫോണ്‍ സ്വിച്ച്ഡ് ഓഫ് ആണ്. അതുമാത്രമല്ല താരത്തിന്റെ മറ്റ് കുടുംബാംഗങ്ങളെയൊന്നും കിട്ടുന്നില്ല. പൂനത്തിന്റെ രണ്ടോ മൂന്നോ ബന്ധുക്കളെ വിളിക്കാന്‍ ഞങ്ങള്‍ ശ്രമിച്ചു. ചിലരുടെ ഫോണ്‍ സ്വിച്ച്ഡ് ഓഫ്, മറ്റു ചിലര്‍ പരിധിക്ക് പുറത്ത്. അതുകൊണ്ട് ഞങ്ങള്‍ക്ക് പല സംശയങ്ങളുമുണ്ട്,' പൂനം പാണ്ഡെയുമായി ബന്ധപ്പെട്ട വ്യക്തി ഇന്ത്യ ടുഡെയോട് പറഞ്ഞു.
