നിവിന് പോളി കഴിഞ്ഞ കുറച്ചുചിത്രങ്ങളിലായി തടിച്ച ശരീരപ്രകൃതിയുള്ള കഥാപാത്രങ്ങളെയാണ് അവതരിപ്പിക്കുന്നത്. ഞണ്ടുകളുടെ നാട്ടില്‍ ഒരിടവേള, ഹേയ് ജൂഡ് തുടങ്ങിയ ചിത്രങ്ങളില്‍ ശരീരഭാരം കൂട്ടിയാണ് നിവിന് വേഷമിട്ടത്. ഇപ്പോള്‍ അഭിനയിച്ചുകൊണ്ടിരിക്കുന്ന കായം‌കുളം കൊച്ചുണ്ണിയിലും നിവിന് തടിച്ച രൂപമാണ്.
ജൂണിലാണ് ലവ് ആക്ഷന്‍ ഡ്രമയുടെ ചിത്രീകരണം ആരംഭിക്കുന്നത്. നയന്‍‌താരയാണ് ചിത്രത്തില്‍ നിവിന് നായികയായെത്തുന്നത്. വടക്കുനോക്കിയന്ത്രത്തിലെ കേന്ദ്ര കഥാപാത്രങ്ങളുടെ പേരുകളായ ദിനേശന്‍, ശോഭ എന്നിങ്ങനെ തന്നെയാണ് ഈ ചിത്രത്തില്‍ നിവിനും നയന്‍‌താരയ്ക്കും പേരുകള്‍.
