‘പഞ്ചവര്‍ണ്ണ തത്ത’യ്ക്ക് ശേഷം രമേശ് പിഷാരടി സംവിധാനം ചെയ്യുന്ന ‘ഗാനഗന്ധര്‍വ്വന്’ തുടക്കമായി. മമ്മൂട്ടി നായകനാകുന്ന ചിത്രത്തിന്റെ പൂജ കൊച്ചിയിൽ നടന്നു. പൂജ ചടങ്ങില്‍ സര്‍പ്രൈസായി മോഹന്‍ലാല്‍ എത്തിയിരുന്നു. ജിമ്മിലേക്ക് പോയ നടന്‍ ജിം ഡ്രസ്സില്‍ പൂജയ്‌ക്കെത്തുകയും രമേഷ് പിഷാരടിയ കണ്ട് കൈ കൊടുത്ത ശേഷം തിരിച്ച് പോവുകയുമായിരുന്നു.
മമ്മൂട്ടി, മുകേഷ്, നിര്‍മ്മാതാവ് ആന്റോ ജോസഫ്, സംവിധായകന്‍ രമേശ് പിഷാരടി, സംഗീത സംവിധായകന്‍ ദീപക് ദേവ് എന്നിവര്‍ ചടങ്ങില്‍ പങ്കെടുത്തു.
അനുരാഗ കരിക്കിന്‍വെള്ളത്തിന് ശേഷം ഖാലിദ് റഹമാന്‍ സംവിധാനം ചെയ്യുന്ന ഉണ്ടയാണ് റിലീസിനെത്തുന്ന ഏറ്റവും പുതിയ മമ്മൂട്ടി ചിത്രം. പതിനെട്ടാംപടി, മാമാങ്കം തുടങ്ങിയവയാണ് അണിയറയിലൊരുങ്ങുന്ന മറ്റ് മമ്മൂട്ടി ചിത്രങ്ങള്‍.
