വിധേയന്‍, പാലേരിമാണിക്യം, ചരിത്രം തുടങ്ങിയ സിനിമകള്‍, ഒരു പരിധി വരെ മൃഗയ, ആവനാഴി തുടങ്ങിയ ചിത്രങ്ങള്‍ ഇവയൊക്കെ മമ്മൂട്ടി എന്ന നടനിലെ വില്ലന്‍ പരിവേഷം പ്രയോജനപ്പെടുത്തിയ ചിത്രങ്ങളാണ്. ഇപ്പോഴിതാ ഒരു സിനിമ വരുന്നു. ‘അങ്കിള്‍’ എന്നാണ് ചിത്രത്തിന് പേര്. മമ്മൂട്ടി ഈ സിനിമയില്‍ വില്ലനാണ് എന്നതാണ് പ്രത്യേകത.
അഴകപ്പന്‍ ഛായാഗ്രഹണം നിര്‍വഹിക്കുന്ന സിനിമയ്ക്ക് ബിജിബാല്‍ ആണ് സംഗീതം. സി ഐ എയിലെ നായിക കാര്‍ത്തിക മുരളീധരനാണ് അങ്കിളിലെ നായിക. ആശാ ശരത്, മുത്തുമണി, ജോയ് മാത്യു, വിനയ് ഫോര്‍ട്ട്, സുരേഷ് കൃഷ്ണ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. ചിത്രീകരണം പൂര്‍ത്തിയായ അങ്കിള്‍ ഇപ്പോല്‍ പോസ്റ്റ് പ്രൊഡക്ഷന്‍ സ്റ്റേജിലാണ്.
