ഫേയ്‌സ്ബുക്കില്‍ കെഎസ് ചിത്രയുടെ പേരില്‍ പണം തട്ടല്‍. ഗായികയുടെ പേരും ചിത്രവും ഉപയോഗിച്ച് വ്യാജ ഫേസ്ബുക്ക് അക്കൗണ്ടില്‍ നിന്ന് പലരോടായി പണം ആവശ്യപ്പെട്ട് സന്ദേശങ്ങള്‍ പോയിട്ടുള്ളതായി കെ എസ് ചിത്രയുമായി ബന്ധമുള്ളവര്‍ അറിയിച്ചു. ഞാന്‍ കെ എസ് ചിത്ര. ഇന്ത്യന്‍ പിന്നണിഗായികയും റിലയന്‍സ് ഇന്‍ഡസ്ട്രീസ് ലിമിറ്റഡ് ഇന്‍വെസ്റ്റ്‌മെന്റ് കമ്പനിയുടെ അംബാസിഡറുമാണെന്ന സന്ദേശമാണ് ലഭിക്കുന്നത്.
കമ്പനിയില്‍ 10000 രൂപ നിക്ഷേപിച്ചാല്‍ ഒരാഴ്ചയ്ക്ക് ഉള്ളില്‍ 50,000 രൂപയാക്കി മടക്കി തരാമെന്നും താല്പര്യമുണ്ടെങ്കില്‍ നിക്ഷേപം നടത്തേണ്ടത് എങ്ങനെയെന്ന് തന്നോട് ചോദിച്ചാല്‍ മതിയെന്നും സന്ദേശത്തില്‍ പറയുന്നു. തട്ടിപ്പിന് ഇരയാകരുതെന്നും പണം നല്‍കരുതെന്നും ചിത്ര ആരാധകരോട് അഭ്യര്‍ത്ഥിച്ചു.
