ആകാംക്ഷയോടെ കാത്തിരിക്കുന്ന ചിത്രങ്ങളില്‍ ഒന്നാണ് കെജിഎഫ് ചാപ്റ്റര്‍ 2. അടുത്തിടെ ചിത്രീകരണം പൂര്‍ത്തിയായ സിനിമയുടെ റിലീസിന് ഒരുങ്ങുകയാണ്. പോസ്റ്റ്-പ്രൊഡക്ഷന്‍ ജോലികളും പൂര്‍ത്തിയായി.ജൂലൈ 16ന് റിലീസ് പ്രഖ്യാപിച്ചെങ്കിലും നിലവിലെ സാഹചര്യത്തില്‍ അത് നടക്കില്ല എന്നാണ് വിവരം. സെപ്റ്റംബര്‍ 9 ന് ചിത്രം തിയേറ്ററുകളില്‍ എത്തും എന്നാണ് പുതിയ റിപ്പോര്‍ട്ടുകള്‍.
പ്രശാന്ത് നീല്‍ സംവിധാനം ചിത്രത്തില്‍ യാഷിന്റെ റോക്കി ഭായിയുമായി ഏറ്റുമുട്ടാന്‍ ബോളിവുഡ് നടന്‍ സഞ്ജയ് ദത്ത് എത്തുന്നുണ്ട്.ശ്രീനിധി ഷെട്ടി, അനന്ത് നാഗ്, റാവു രമേശ്, അച്യുത് കുമാര്‍,മാളവിക തുടങ്ങിയ വലിയ താരനിരയും ചിത്രത്തിലുണ്ട് .
