മലയാളം കാത്തിരിക്കുന്ന രണ്ട് കർണന്മാർ ഉണ്ട്. ഒന്ന് പൃഥ്വിരാജും, മറ്റൊന്ന് മമ്മൂട്ടിയും കർണന്മാരായെത്തുന്ന 'കർണൻ'. ഇപ്പോഴിതാ ഇവർക്കിടയിലേക്ക് മറ്റൊരു കർണൻ കൂടി എത്തുന്നു. എന്നാല്‍ പുതിയ കര്‍ണന്‍ വരുന്നത് ബിഗ് സ്‌ക്രീനിലല്ല, മിനിസ്‌ക്രീനിലാണ്. അതെ പൃഥ്വിരാജിന്റെയും മമ്മൂട്ടിയുടെയും കര്‍ണന്‍ വരുന്നതിന് മുമ്പ് ഈ കര്‍ണനെത്തും.
മഹാഭാരതത്തിലെ ഇതിഹാസ കഥാപാത്രം സൂര്യപുത്രന്‍ കര്‍ണന്റെ ജീവിതം ആസ്പദമാക്കി പരമ്പര വരുന്നു. മഴവില്‍ മനോരമയിലാണ് പരമ്പര സംപ്രേക്ഷണം ചെയ്യുന്നത്. എന്നാൽ ഈ കർണന്റെ സംവിധാനം ആരാണെന്നോ അഭിനയിക്കുന്നത് ആരൊക്കെയെന്നോ ഇതുവരെ പുറത്ത് വിട്ടിട്ടില്ല.
മമ്മൂട്ടി നായകനാകുന്ന കർണനും പൃഥ്വിരാജ് നായകനാകുന്ന കർണനും ഒരേസമയം റിലീസ് ചെയ്യുമോ, പോരാട്ടം ഇരു കർണന്മാർ തമ്മിലാകുമോ എന്നൊക്കെ സോഷ്യൽ മീഡിയകളിൽ ചോദ്യങ്ങളുയരുന്നുണ്ട്. എതായാലും ഇരു കർണന്മാരോടും യുദ്ധത്തിനു നിൽക്കാതെ അതിനെല്ലാം നമ്മുടെ കർണൻ മിനിസ്ക്രീനിൽ എത്തും.