തമിഴില്‍ താന്‍ കാണാത്ത സംവിധായകര്‍ ഇല്ലെന്നും ഒരുപാട് ആളുകളുടെ സിനിമകള്‍ താന്‍ ഇതിനോടകം തന്നെ അഭിനയിച്ചു കഴിഞ്ഞു എന്നും അദ്ദേഹം പറയുന്നു. നല്ലൊരു വേഷത്തിനായി പലരോടും കെഞ്ചി ചോദിച്ചിട്ടുണ്ട്. ആരും തന്നില്ല എവിടെ നിന്നും കിട്ടിയില്ല ഇതിപ്പോള്‍, ഒരു മലയാളി സംവിധായകനാണ് എനിക്ക് നല്ലൊരു വേഷം തന്നത്. എന്നിലെ നടനെ അദ്ദേഹം വിശ്വസിച്ചു. പണമല്ല, ഒരു അഭിനേതാവ് എന്ന നിലയില്‍ കിട്ടുന്ന അംഗീകാരമില്ലേ എന്നാണ് അദ്ദേഹം ചോദിക്കുന്നത്.
ഈ സിനിമ തന്നെയാണ് എന്റെ മക്കള്‍ക്ക് ജീവിതം പഠിപ്പും ജീവിതവും നല്‍കിയത്. പക്ഷേ, സിനിമയില്‍ നമുക്കൊരു സ്വപ്നമുണ്ടാകില്ലേ? അതു തേടിയാണല്ലോ സിനിമയിലേക്ക് വരുന്നത്. 32 വര്‍ഷമെടുത്തു ഇങ്ങനെയൊരു നിമിഷം സംഭവിക്കാന്‍. അതിനായി, എത്രയോ കഷ്ടപ്പാടുകള്‍... വേദനകള്‍. പല സംവിധായകരും എന്നെ കളിയാക്കിയിട്ടുണ്ട്. അതൊന്നും പറയാന്‍ എനിക്കു വാക്കുകളില്ല. അതിനെക്കുറിച്ച് ആലോചിക്കുമ്പോഴേ ഞാന്‍ ഇമോഷനല്‍ ആകും.''-വിജയ് മുത്തു അഭിമുഖത്തിനിടെ പറഞ്ഞു.
