നാളെ കൊച്ചി ലുലു മാള്‍ പിവിആറില്‍ പ്രിവ്യു ഷോ ഉണ്ടാകും.7:00 മണിക്കാണ് ഷോ.സുരേഷ് ഗോപി, ബിജു മേനോന്‍, അഭിരാമി, മാളവിക, ലിസ്റ്റിന്‍ സ്റ്റിഫന്‍,ജഗദീഷ്, സിദ്ദീഖ്, സംവിധായകന്‍ അരുണ്‍ വര്‍മ, തിരക്കഥാകൃത്ത് മിഥുന്‍ മാനുവല്‍ തോമസ്, സംഗീത സംവിധായകന്‍ ജേക്‌സ് ബിജോയ് തുടങ്ങിയവര്‍ ഷോ കാണാന്‍ എത്തും.
'അഞ്ചാം പാതിര'യ്ക്ക് ശേഷം മിഥുന്‍ മാനുവല്‍ തോമസ് നിനക്കത് ഒരുക്കിയിരിക്കുന്ന സിനിമ നീതിക്ക് വേണ്ടി പോരാടുന്ന പോലീസ് ഓഫീസറുടേയും ഒരു കോളേജ് പ്രൊഫസറുടെയും ജീവിതത്തിലൂടെയാണ് കടന്ന് പോകുന്നത്.കേരള ആംഡ് പോലീസിന്റെ കമാന്റന്റ് ആയ ഹരീഷ് മാധവനായി സുരേഷ് ഗോപി വേഷമിടുന്നു. നിഷാന്ത് എന്ന കോളേജ് പ്രൊഫസര്‍ ആയി ബിജുമേനോനും എത്തുന്നു.ഭാര്യയും കുട്ടിയും ഒക്കെയുള്ള നിഷാന്ത് ഒരു നിയമപ്രശ്‌നത്തില്‍ പെടുകയും തുടര്‍ന്നുണ്ടാകുന്ന കാര്യങ്ങളും ഒക്കെയാണ് സിനിമ പറയുന്നത്.
