ആന്റണി പെരുമ്പാവൂര്‍ നിര്‍മിക്കുന്ന എമ്പുരാന്റെ റിലീസ് ദിവസം തിയറ്റര്‍ സമരം വയ്ക്കാന്‍ നിര്‍മാതാക്കളുടെ സംഘടന. ജൂണ്‍ ഒന്ന് മുതലുള്ള സിനിമാ സമരത്തിനു മുന്നോടിയായി മാര്‍ച്ച് 27 നു സൂചന പണിമുടക്ക് നടത്താനാണ് നിര്‍മാതാക്കളുടെ സംഘടന ആലോചിക്കുന്നത്. നിര്‍മാതാവ് ജി.സുരേഷ് കുമാറാണ് ആന്റണി പെരുമ്പാവൂരിനെതിരായ നീക്കത്തിനു പിന്നില്‍.
മലയാളത്തിലെ ഏറ്റവും വലിയ സിനിമയായാണ് 'എമ്പുരാന്‍' തിയറ്ററുകളിലെത്തുന്നത്. ഏകദേശം 100 കോടിക്കു മുകളില്‍ ചെലവിലാണ് സിനിമ ഒരുക്കിയിരിക്കുന്നത്. ഭീമമായ ചെലവില്‍ പുറത്തിറങ്ങുന്ന സിനിമയുടെ ആദ്യദിനം തന്നെ സിനിമാ സമരം നടത്തിയാല്‍ അത് ആന്റണി പെരുമ്പാവൂരിനു വലിയ തിരിച്ചടിയാകും. ഇത് മുന്നില്‍ കണ്ടാണ് നിര്‍മാതാക്കളുടെ സംഘടനയുടെ നീക്കം.
