ജീവിതത്തില്‍ സന്തോഷകരമായ സമയത്തിലൂടെയാണ് ദീപിക പദുകോണും രണ്‍വീര്‍ സിങും കടന്നുപോകുന്നത്. വൈകാതെ തന്നെ ഇരുവരും അച്ഛനും അമ്മയും ആകും. ഈ സന്തോഷം ഇന്‍സ്റ്റഗ്രാമിലൂടെയാണ് ആരാധകരോട് ഇരുവരും അറിയിച്ചത്. ഫെബ്രുവരി അവസാനത്തോടെ ആയിരുന്നു ഇക്കാര്യം അറിയിച്ചത്.സെപ്റ്റംബറില്‍ കുഞ്ഞ് ജനിക്കുമെന്നും താരദമ്പതികള്‍ പറയുന്നു.
ബോളിവുഡ് താരം വരുണ്‍ ധവാനും ഭാര്യ നടാഷ ദലാലും ആദ്യകുഞ്ഞായി കാത്തിരിപ്പിലാണ്.നിറവയറിലുള്ള നടാഷയുടെ ചിത്രങ്ങള്‍ പങ്കുവെച്ചാണ് തന്റെ സന്തോഷം അറിയിച്ചത്.ഗര്‍ഭിണിയാണ്,നിങ്ങളുടെ അനുഗ്രഹവും സ്നേഹവും വേണം എന്നാണ് ചിത്രങ്ങള്‍ക്ക് താഴെ എഴുതിയത്.
ജീവിതത്തിലെ മനോഹരമായ സമയത്തിലൂടെയാണ് നടി അമല പോള്‍ കടന്നു പോകുന്നത്. തന്റെ വയറ്റില്‍ കുഞ്ഞുവാവയുള്ള സന്തോഷ വാര്‍ത്ത ആരാധകരെ അറിയിച്ചത് ജനുവരിയില്‍ ആയിരുന്നു. ആടുജീവിതം സിനിമയുടെ പ്രമോഷന്‍ തിരക്കുകളിലാണ് നടി.2023 നവംബറില്‍ ആയിരുന്നു നടിയുടെ വിവാഹം നടന്നത്. സുഹൃത്തു കൂടിയായ ജഗദ് ദേശായിയുമായുളള വിവാഹം കൊച്ചിയിലെ സ്വകാര്യ ഹോട്ടലില്‍ വച്ചായിരുന്നു.
ഇന്ത്യന്‍ സിനിമയിലെ ഒട്ടുമിക്ക ഭാഷകളിലും അഭിനയിച്ചിട്ടുള്ള നടിയാണ് യാമി ഗൗതം.കന്നഡ ചിത്രമായ 'ഉല്ലാസ ഉത്സാഹ'യിലൂടെ ശ്രദ്ധ നേടിയ താരം പിന്നീട് പഞ്ചാബി, തെലുങ്ക്, ഹിന്ദി, തമിഴ്, തെലുങ്ക് ഭാഷകളിലുള്ള സിനിമകളിലും സാന്നിധ്യം അറിയിച്ചു. മലയാളത്തില്‍ പൃഥ്വിരാജിന്റെ നായികയായി. ഹീറോ ആയിരുന്നു ആ ചിത്രം. നടിയുടെ പുതിയ ചിത്രമായ ആര്‍ട്ടിക്കിള്‍ 370യുടെ ട്രെയിലര്‍ ലോഞ്ചിനിടെ താന്‍ ഗര്‍ഭിണിയാണെന്ന് വിവരം പങ്കുവെച്ചിരിക്കുകയാണ് നടി.
