ഇപ്പോഴിതാ, ആര്യ മഹാനടന്‍ മോഹന്‍ലാലിനും വില്ലനാകുകയാണ്. കെ വി ആനന്ദ് സംവിധാനം ചെയ്യുന്ന മോഹന്‍ലാല്‍ - സൂര്യ ടീമിന്‍റെ തമിഴ് ചിത്രത്തിലാണ് ആര്യ വില്ലനായി എത്തുന്നത്. ലൈക പ്രൊഡക്ഷന്‍സ് നിര്‍മ്മിക്കുന്ന സിനിമ ഇപ്പോള്‍ ലണ്ടനില്‍ ചിത്രീകരിച്ചുകൊണ്ടിരിക്കുകയാണ്.
അല്ലു ശിരിഷ്, സയേഷ, ബൊമന്‍ ഇറാനി, സമുദ്രക്കനി തുടങ്ങിയ വമ്പന്‍ താരനിരയാണ് ഈ സിനിമയിലുള്ളത്. 10 രാജ്യങ്ങളിലായാണ് ഈ സിനിമ ചിത്രീകരിക്കുന്നത്. ലണ്ടന്‍ കൂടാതെ ബ്രസീല്‍, ന്യൂയോര്‍ക്ക് എന്നിവിടങ്ങള്‍ പ്രധാന ലൊക്കേഷനുകളായിരിക്കും. ഇന്ത്യയില്‍ ഹൈദരാബാദിലും ഡല്‍ഹിയിലും ചിത്രീകരണമുണ്ട്.
