ഏറെ പ്രതീക്ഷയോടെയായിരുന്നു 1971 ബിയോണ്ട് ബോര്‍ഡേഴ്സ് എന്ന മോഹന്‍ലാല്‍ ചിത്രം റിലീസായത്. വലിയ രീതിയിലുള്ള ഫാന്‍സ് യുദ്ധം നടന്നുകൊണ്ടിരിക്കെയാണ് ചിത്രം റിലീസായതെന്ന പ്രത്യേകതയുമുണ്ട്. ആദ്യദിന കളക്ഷനില്‍ പുതിയ റെക്കോര്‍ഡ് ഈ സിനിമ സ്ഥാപിക്കുമെന്ന പ്രതീക്ഷകളുണ്ടായിരുന്നു. എന്നാല്‍ അത് അസ്ഥാനത്താക്കുന്ന പ്രകടനമാണ് ചിത്രം ആദ്യദിനം കാഴ്ചവച്ചത്.
ഈ സിനിമയുടെ പ്രൊമോഷനും ആവശ്യമായ രീതിയില്‍ നടന്നില്ല എന്നത് ചിത്രം കൂടുതല്‍ പ്രേക്ഷകരിലേക്ക് എത്തുന്നതിന് തടസമായി. ചിത്രത്തേക്കുറിച്ച് ഹൈപ്പ് തീരെയില്ലായിരുന്നു. വമ്പന്‍ പരസ്യപ്രചരണവുമായി വന്ന് മെഗാഹിറ്റായി മാറിയ ദി ഗ്രേറ്റ്ഫാദര്‍ എന്ന സിനിമ തിയേറ്ററുകളില്‍ നിറഞ്ഞോടുമ്പോഴാണ് അധികം പരസ്യമില്ലാതെ 1971 എത്തിയത്.
