മലയാള സിനിമയിലെ പ്രിയതാരമാണ് ആസിഫ് അലിയുടെ കരിയറിലെ രണ്ടാമത്തെ ചിത്രമായിരുന്നു കഥ തുടരുന്നു. സത്യന്‍ അന്തിക്കാട് സംവിധാനം ചെയ്ത ചിത്രത്തില്‍ അതിഥി വേഷമായിരുന്നു ആസിഫിന്. നായിക മംമ്ത മോഹന്‍ദാസിന്റെ ഭര്‍ത്താവിന്റെ വേഷത്തിലായിരുന്നു ചിത്രത്തില്‍ ആസിഫ് അഭിനയിച്ചത്.
ഒരുമിച്ച് അഭിനയിക്കുമ്പോള്‍ കൂടെ അഭിനയിക്കുന്ന നായികമാരോട് പ്രണയം തോന്നാറുണ്ടെന്ന് പല നടന്മാരും പറയാറുണ്ട്. അങ്ങനെ ഒരു പ്രണയം ആസിഫിനും പറയാനുണ്ട്. കഥ തുടരുന്നു എന്ന ചിത്രത്തില്‍ അഭിനയിക്കുമ്പോള്‍ തനിക്ക് മംമ്തയോട് പ്രണയം തോന്നിയിരുന്നെന്ന് ആസിഫ് പറഞ്ഞിരുന്നു.
കൈരളി ചാനല്‍ സംപ്രേക്ഷണം ചെയ്യുന്ന ജെബി ജംഗ്ഷന്‍ എന്ന പരിപാടിയിലാണ് ആസിഫ് ഇക്കാര്യം വ്യക്തമാക്കിയത്. മംമ്ത മോഹന്‍ദാസിനെ ആസിഫ് അലി ആദ്യമായി കാണുന്നത് കഥ തുടരുന്നു എന്ന ചിത്രത്തിന്റെ ലൊക്കേഷനില്‍ വച്ചായിരുന്നു. അതിന് മുമ്പ് മംമ്തയെ ടിവിയില്‍ കണ്ടുള്ള പരിചയം മാത്രമേ ഉണ്ടായിരുന്നുള്ളൂ.