ഫാസില്‍ സംവിധാനം ചെയ്ത ‘ഹരികൃഷ്ണന്‍സ്’ എന്ന ചിത്രത്തില്‍ താന്‍ ‘കള്ള ആക്‍ടിംഗ്’ ചെയ്തെന്ന് മെഗാസ്റ്റാര്‍ മമ്മൂട്ടി. മമ്മൂട്ടിയും മോഹന്‍ലാലും തകര്‍ത്തഭിനയിച്ച ഹരികൃഷ്ണന്‍സില്‍ ജൂഹി ചൌളയായിരുന്നു നായിക.
“ഹരികൃഷ്ണന്‍സില്‍ ജൂഹി ചൌള ഉണ്ടാക്കിക്കൊണ്ടുവരുന്ന ഉപ്പും എരിവും കൂടുതലുള്ള ഭക്ഷണം കഴിക്കുന്ന രംഗമുണ്ട്. പക്ഷേ, ക്യാമറയ്ക്ക് മുന്നില്‍ ഇരുന്നപ്പോള്‍ വിളമ്പിയത് സാധാരണയിലും നല്ല രുചിയുള്ള ഭക്ഷണമാണ്. നല്ല ഭക്ഷണത്തെ കുറ്റം പറയാന്‍ അന്നും ഇന്നും എനിക്ക് സങ്കടമാണ്. പക്ഷേ കുറ്റം പറയുന്നതാണ് സീന്‍. അങ്ങനെ നല്ല ഭക്ഷണം നല്ല രുചിയോടെ കഴിക്കുന്നു. ചീത്ത ഭക്ഷണമാണെന്ന മട്ടില്‍ അഭിനയിക്കുന്നു! ജീവിതത്തില്‍ ഒരിക്കല്‍ മാത്രമാണ് ഞാന്‍ കള്ള ആക്‍ടിംഗ് ചെയ്തത്” - മലയാള മനോരമ വാര്‍ഷികപ്പതിപ്പിന് അനുവദിച്ച അഭിമുഖത്തിലാണ് മമ്മൂട്ടി ഇക്കാര്യം വെളിപ്പെടുത്തിയത്.