ബാഹുബലി രണ്ടാം ഭാഗത്തിന് ശേഷം രാജമൌലി സംവിധാനം ചെയ്യുന്ന ചിത്രത്തിന് ‘ഗരുഡ’ എന്നാണ് പേരിട്ടിരിക്കുന്നത്. 1000 കോടി രൂപയാണ് സിനിമയുടെ ബജറ്റ്. തെലുങ്ക്, ഹിന്ദി, തമിഴ്, മലയാളം ഉള്‍പ്പടെ ഇന്ത്യയിലെ മിക്ക ഭാഷകളിലുമായി പുറത്തിറങ്ങുന്ന സിനിമ ഇംഗ്ലീഷിലേക്ക് മൊഴിമാറ്റിയെത്തുമെന്നും സൂചനയുണ്ട്.
ചിത്രത്തിലെ നായകനെ തീരുമാനിച്ചിട്ടില്ല. എങ്കിലും മഹേഷ് ബാബു, ദുല്‍ക്കര്‍ സല്‍മാന്‍ ഈ പേരുകളൊക്കെ കേട്ടുതുടങ്ങിയിട്ടുണ്ട്. രാജമൌലിയുടെ പിതാവും ബാഹുബലി, ബജ്‌റംഗി ബായിജാന്‍ തുടങ്ങിയ വമ്പന്‍ ഹിറ്റുകളുടെ തിരക്കഥാകൃത്തുമായ വിജയേന്ദ്രപ്രസാദാണ് ചിത്രത്തിന് തിരക്കഥയെഴുതുന്നത്.
