മലയാളികളുടെ അഭിമാന താരമായ പാർവതി നായികയാകുന്ന ആദ്യ ബോളിവുഡ് ചിത്രത്തിന്റെ ട്രെയിലർ പുറത്തിറങ്ങി. പാർവതിയെ പുകഴ്ത്തി നടി റിമ കല്ലിങ്കലും രംഗത്തെത്തി. കരിയർ എങ്ങനെ മുന്നോട്ട് കൊണ്ടുപോകണമെന്ന കാര്യത്തിൽ പാർവതി എല്ലാവർക്കും ഒരു മാതൃകയാണെന്ന് റിമ വ്യക്തമാക്കുന്നു.
'അഭിനയ സാധ്യതയുള്ള കഥാപാത്രങ്ങൾ ചെയ്യുവാനും ഇഷ്ടമില്ലാത്തത് ചെയ്യാതിരിക്കുവാനും പാർവതിക്ക് സാധിക്കുന്നു'വെന്ന് റിമ പറയുന്നു. ഇർഫാൻ ഖാൻ പ്രധാന കഥാപാത്രത്തെ അവതരിപ്പികുന്ന ക്വരിബ് ക്വരിബ് സിംഗിൾ എന്ന ചിത്രത്തിലൂടെയാണ് പാർവതിയുടെ ബോളിവുഡ് അരങ്ങേറ്റം.
തനുജ ചന്ദ്ര സംവിധാനം ചെയ്യുന്ന ചിത്രം യാത്രയും പ്രണയവും ഇടകലർത്തിയാണ് ചിത്രീകരിച്ചിരിക്കുന്നത്. ചിത്രത്തിന്റെ ട്രൈലെര്‍ ഇന്നലെ പുറത്ത് വന്നിരുന്നു. ചിത്രം നവംബർ 10ന് റിലീസ് ചെയ്യും.