എന്നാല്‍ ഇക്കാര്യത്തില്‍ വിശദീകരണം നൽകുകയാണ് ലക്ഷ്മിപ്രിയ ഇപ്പോൾ. സീരിയലിന്റെ സംവിധായകനായ പ്രസാദ് നൂറനാട് വളരെ നിര്‍ബന്ധിച്ചതുകൊണ്ടാണ് താന്‍ ആ സീരിയലില്‍ അഭിനയിക്കാന്‍ തയ്യാറായത്. മകൾക്ക് ഏഴു മാസം പ്രായമായപ്പോഴാണ് പ്രസാദ് തന്നെ സമീപിച്ചത്. മകൾ ഉള്ളതിനാൽ പലകാരണങ്ങൾ പറഞ്ഞ് ഒഴുവാക്കാൻ ശ്രമിച്ചെങ്കിലും അദ്ദേഹം നിർബന്ധിച്ചു. അങ്ങനെയാണ് ആ സീരിയലിൽ അഭിനയിക്കാമെന്ന് തീരുമാനിച്ചതെന്ന് താരം പറയുന്നു.
9.30 മുതല്‍ എന്റെ ഫോണില്‍ തുടര്‍ച്ചയായി കോള്‍ വരുന്നുണ്ടായിരുന്നു. ഷൂട്ടിങ് കഴിഞ്ഞ് വിളിച്ചെങ്കിലും വീട്ടിലാരും കോൾ എടുത്തില്ല. ടെൻഷൻ ആയതോടെ എനിക്ക് പോകണമെന്ന് ഞാൻ ആവശ്യപ്പെട്ടു. എന്നാൽ, ആരും അതു കേട്ടില്ല. ഞാനൊരു അമ്മയാണ് എന്ന് പറഞ്ഞപ്പോള്‍ നിനക്ക് കുഞ്ഞുണ്ടെങ്കില്‍ നീ വീട്ടിലിരിക്കണം എന്നായിരുന്നു പ്രസാദിന്റെ മറുപടി.- ലക്ഷ്മി പ്രിയ പറയുന്നു.
