എറണാകുളം ചേരാനല്ലൂര് സ്വദേശികളായ വിഷ്ണു, റിക്സണ് എന്നിവരെയാണ് പൊലീസ് അറസ്റ്റ് ചെയ്തത്. യുട്യൂബ് നോക്കി ചാരായം വാറ്റുന്നതിനിടെ ചേരാനല്ലൂർ പൊലീസ് ആണ് ഇവരെ അറസ്റ്റ് ചെയ്തത്. വിഷ്ണുവിന്റെ വീടിനോട് ചേര്ന്നായിരുന്നു പ്രഷര് കുക്കറിൽ വാറ്റുചാരായം ഉണ്ടാക്കാൻ ശ്രമിച്ചത്. രഹസ്യവിവരം ലഭിച്ചതിന്റെ അടിസ്ഥാനത്തിലാണ് പൊലീസ് സ്ഥലത്തെത്തി പരിശോധന നടത്തിയതും ഇരുവരേയും പിടികൂടിയതും.
