മധ്യകേരളത്തിൽ കൊച്ചിയിലും തൃശൂരിലും നടന്ന എം ടി എം മോഷണം ഒരേ സംഘം നടത്തിയതാണെന്ന നിമനത്തിൽ പൊലീസ്. തൃശൂർ കൊരട്ടിയിലെ സൌത്ത് ഇന്ത്യൻ ബാങ്കിന്റെ എ ടി എമ്മിൽ നിന്നും 25 ലക്ഷം രൂ‍പയും, എറണാകുളം ഇരുമ്പനത്തെ എസ് ബി ഐ എ ടി എമ്മിൽ നിന്നും10 ലക്ഷം രൂപയുമാണ് കവർച്ച നടത്തിയത്.
രണ്ട് എ ടി എമ്മുകളിലും സമാനമായ രീതിയിലാണ് മോഷണം നടത്തിരിക്കുന്നത്. എ ടി എം കൌണ്ടറിനുള്ളിൽ കയറിയ ഉടൻ മോഷ്ടാവ് സി സി ടി വി ക്യാമറ പെയിന്റടിച്ച് മറക്കുകയും പത്തുമിനിറ്റിനുള്ളിൽ തന്നെ എ ടി എം തകർത്ത് പണവുമായി കടക്കുകയാണ് ചെയ്തിരിക്കുന്നത്. മോഷണത്തിനു ശേഷം രണ്ടിടത്തും ഷട്ടറുകൾ താഴ്ത്തിയിട്ടുണ്ട്.
സംഘത്തിൽ മൂന്നുപേരുള്ളതയാണ് പൊലീസിന്റെ നിഗമനം. രണ്ടു പേർ കാറിലിരിക്കുയായിരുന്നു. വെള്ളിയാച പുലർച്ചെ 4.50ഓടെയാണ് കൊരട്ടി സൌത്ത് ഇന്ത്യൻ ബാങ്ക് എ ടി എമ്മിൽ മോഷണം നടന്നത്. ഒരു സി സി ടി വി ക്യാമറ പെയിന്റഡിച്ച് മറച്ചെങ്കിലും മറ്റൊരു ക്യാമറയിൽ മോഷ്ടാവിന്റെ മുഖം പതിഞ്ഞിട്ടുണ്ട്. സംഭവത്തിൽ അന്വേഷണം ശക്തമാക്കിയതായി പൊലീസ് വ്യക്തമാക്കി.