നിരവധി പാക് താരങ്ങള്‍ക്ക് വൈറല്‍ ഫീവര്‍ ബാധിച്ചതായാണ് റിപ്പോര്‍ട്ട്. ഓപ്പണര്‍ അബ്ദുള്ള ഷെഫീഖ്, സ്റ്റാര്‍ പേസര്‍ ഷഹീന്‍ ഷാ അഫ്രീദി എന്നിവരും ഇതില്‍ ഉള്‍പ്പെടുന്നു. നിലവില്‍ യൂവതാരമായ മുഹമ്മദ് വസീമാണ് പ്രധാനമായും ബെംഗളുരുവില്‍ പരിശീലനം നടത്തുന്നത്. ഒക്ടോബര് 20ന് ചിന്നസ്വാമി സ്‌റ്റേഡിയത്തിലാണ് പാക് ഓസീസ് മത്സരം നടക്കുന്നത്. മൂന്ന് മത്സരങ്ങളില്‍ 2 വിജയങ്ങളുള്ള പാകിസ്ഥാനും ഒരു വിജയം മാത്രമുള്ള ഓസീസിനും ഈ മത്സരം ഏറെ നിര്‍ണായകമാണ്.
