കഴിഞ്ഞ വര്‍ഷത്തെ ക്രിക്കറ്റര്‍ ഓഫ് ദ ഇയറായി ഇന്ത്യന്‍ നായകന്‍ വിരാട് കോഹ്ലിയെയാണ് ഐസിസി തെരഞ്ഞെടുത്തിരിക്കുന്നത്. ലോകത്തിന്റെ നാനാഭാഗത്തുള്ള ക്രിക്കറ്റ് ആരാധകരും മറ്റും കോഹ്ലിക്ക് ആശംസയുമായി രംഗത്തെത്തി. ഇപ്പോള്‍ ഇതാ കോഹ്ലിയുടെ ഈ നേട്ടത്തില്‍ പ്രതികരണവുമായി ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ എത്തിയിരിക്കുന്നു.
ഒരു അത്ഭുതവുമില്ല, നീ അത് അര്‍ഹിക്കുന്നു, അഭിനന്ദനങ്ങള്‍ എന്നായിരുന്നു സച്ചിന്‍ തന്റെ ട്വിറ്ററില്‍ കുറിച്ചത്. ഏകദിനത്തിലെ മികച്ച ക്രിക്കറ്ററും കോഹ്ലി തന്നെയാണ്. മാത്രമല്ല ഐസിസിയുടെ ടെസ്റ്റ്-ഏകദിന ടീമുകളിലെ നായകനായി തിരഞ്ഞെടുത്തിരിക്കുന്നതും കോഹ്ലിയെ തന്നെയാണ്. പോയവര്‍ഷം 2,203 റണ്‍സായിരുന്നു ടെസ്റ്റില്‍ നിന്നുമാത്രമായി കോഹ്ലി നേടിയത്.
