തുടരെ മൂന്നാമത്തെ വിജയം, ശ്രീലങ്കയേയും വീഴ്ത്തി ഇന്ത്യ, അണ്ടർ 19 വനിതാ ടി20 ലോകകപ്പിൽ സൂപ്പർ സിക്സിൽ
ആദ്യം ബാറ്റ് ചെയ്ത ഇന്ത്യ നിശ്ചിത ഓവറില്‍ 9 വിക്കറ്റ് നഷ്ടത്തില്‍ 118 റണ്‍സാണെടുത്തത്. മറുപടി ബാറ്റിംഗിനിറങ്ങിയ ശ്രീലങ്കയുടെ പോരാട്ടം 9 വിക്കറ്റ് നഷ്ടത്തില്‍ 58 റണ്‍സില്‍ അവസാനിച്ചു. ഇന്ത്യയ്ക്കായി ശബ്‌നം ഷാകില്‍,വി ജെ ജോഷിത, പരുണിക സിസോദിയ എന്നിവര്‍ 2 വിക്കറ്റുകള്‍ വീതവും ആയുഷി ശുക്ല, വൈഷ്ണവി ശര്‍മ എന്നിവര്‍ ഓരോ വിക്കറ്റും വീഴ്ത്തി.ലങ്കന്‍ നിരയില്‍ 15 റണ്‍സെടുത്ത രശ്മിക സെവ്വാന്‍ഡി മാത്രമാണ് തിളങ്ങിയത്. നേരത്തെ ഇന്ത്യയ്ക്കായി ഓപ്പണര്‍ ഗോന്‍ഗഡി തൃഷ 44 പന്തില്‍ 5 ഫോറും ഒരു സിക്‌സും സഹിതം 49 റണ്‍സെടുത്തു.
