ദക്ഷിണാഫ്രിക്കയ്‌ക്കെതിരായ ടെസ്റ്റ് പരമ്പരയ്ക്കായി ഇന്ത്യയില്‍ നിന്നെത്തിയ വിരാട് കോലി വീട്ടിലേക്ക് തിരിച്ചു പോയി. കുടുംബപരമായ ഒരു അത്യാവശ്യം കാരണമാണ് കോലി ദക്ഷിണാഫ്രിക്കയില്‍ നിന്ന് തിരിച്ചത്. ഡിസംബര് 26 മുതലാണ് ഇന്ത്യ-ദക്ഷിണാഫ്രിക്ക ആദ്യ ടെസ്റ്റ്. ഇന്ത്യയിലേക്കു പോയ കോലി ഒന്നാം ടെസ്റ്റിനു മുന്‍പ് ദക്ഷിണാഫ്രിക്കയില്‍ തിരിച്ചെത്തുമെന്നാണ് വിവരം. ആദ്യ ടെസ്റ്റ് കോലി കളിക്കുമെന്നും ബിസിസിഐ വൃത്തങ്ങള്‍ വ്യക്തമാക്കുന്നു.
അതേസമയം ടെസ്റ്റ് ടീമിലുള്ള യുവതാരം ഋതുരാജ് ഗെയ്ക്വാദ് പരുക്കിനെ തുടര്‍ന്ന് പുറത്തായെന്നും റിപ്പോര്‍ട്ടുകളുണ്ട്. വിരലില്‍ പരുക്കേറ്റതിനെ തുടര്‍ന്നാണ് ഗെയ്ക്വാദിനെ ടെസ്റ്റ് പരമ്പരയ്ക്കുള്ള സ്‌ക്വാഡില്‍ നിന്ന് പുറത്താക്കിയതെന്നാണ് വിവരം.