ആരാധകരുടെ മികച്ച പിന്തുണയുടെ ബലത്തില്‍ ലോകകിരീടം നമ്മള്‍ നേടുമെന്ന് മനസില്‍ ദൃഡമായി ഉറപ്പിച്ചിരിക്കുകയാണ്. കഴിഞ്ഞ ലോകകപ്പ് വിജയങ്ങളുടെ ഓര്‍മകള്‍ നമുക്കുണ്ട്. പ്രത്യേകിച്ച് 2011ലെ ഐതിഹാസികമായ ലോകകപ്പ് വിജയം. അതെല്ലാം ആരാധകരുടെ ഹൃദയങ്ങളില്‍ പതിഞ്ഞിരിക്കുന്ന കാര്യമാണ്. അത്തരം ഓര്‍മകള്‍ ആരാധകര്‍ക്കായി ഒരുക്കാനാണ് ടീം ലക്ഷ്യമിടുന്നത്. ലോകകപ്പ് അവിശ്വസനീയമായ ടൂര്‍ണമെന്റാണ്. ആരാധകര്‍ ഏറ്റവും വൈകാരികമായി സമീപിക്കുന്ന പോരാട്ടങ്ങളാണ് വരാനിരിക്കുന്നത്. അവിടെ ആരാധകരുടെ സ്വപ്നങ്ങള്‍ സാക്ഷാത്കരിക്കാന്‍ ടീം എല്ലാം നല്‍കാന്‍ തയ്യാറാണ്. കോലി പറഞ്ഞു.
