മറ്റൊരു മലയാളി കൂടി വരവറിയിച്ചു, അണ്ടർ 19 ലോകകപ്പിൽ 2 വിക്കറ്റോടെ തിളങ്ങി, പ്ലെയർ ഓഫ് ദ മാച്ച് നേടി ജോഷിത
ആദ്യം ബാറ്റ് ചെയ്ത വെസ്റ്റിന്‍ഡീസിനെ 13.2 ഓവറില്‍ വെറും 44 റണ്‍സിന് പുറത്താക്കാന്‍ ഇന്ത്യന്‍ വനിതകള്‍ക്കായിരുന്നു. വിന്‍ഡീസ് നിരയിലെ 5 താരങ്ങളാണ് പൂജ്യത്തിന് പുറത്തായത്. ഇന്ത്യയ്ക്കായി ജോഷിതയ്ക്ക് പുറമെ പാരുണിക സിസോദിയ മൂന്നും ആയുഷി ശുക്ല രണ്ട് വിക്കറ്റും വീഴ്ത്തി. വെറും 4.2 ഓവറില്‍ ഒരു വിക്കറ്റ് നഷ്ടത്തിലാണ് ഇന്ത്യ ലക്ഷ്യം കണ്ടത്. മലേഷ്യയാണ് ഗ്രൂപ്പിലെ രണ്ടാം മത്സരത്തില്‍ ഇന്ത്യയുടെ എതിരാളികള്‍.
