ട്വന്റി20 ലോകകപ്പിനും ഏഷ്യാ കപ്പിനും ഉള്ള ശ്രീലങ്കന്‍ ടീമിനെ പ്രഖ്യാപിച്ചു. 15അംഗ ടീമിനെ പേസ് ബൌളര്‍ ലസിത്‌ മലീങ്ക നയിക്കും. പരുക്കിനെ തുടര്‍ന്ന്‌ കുറച്ച്‌ നാളുകളായി മലീങ്ക ടീമില്‍ നിന്നും പുറത്തായിരുന്നു. മലിങ്കയുടെ നേതൃത്വത്തിലാണ്‌ 2014ല്‍ ആദ്യമായി ശ്രീലങ്ക ട്വന്റി20 ലോകകപ്പ് കിരീടം സ്വന്തമാക്കുന്നത്‌. അന്ന്‌ ആറ്‌ വിക്കറ്റിന്‌ ഇന്ത്യയെ തോല്‍പ്പിച്ചായിരുന്നു ശ്രീലങ്കന്‍ വിജയം.
സീനിയര്‍ താരങ്ങളായ ഏഞ്ചെലോ മാത്യൂസ്‌, നുവാന്‍ കുലശേഖര, റംഗന ഹെറാത്ത്‌ എന്നിവര്‍ ലങ്കന്‍ ടീമില്‍ തിരിച്ചെത്തി. മലിങ്കയ്‌ക്ക് പുറമെ ആഞ്ചലൊ മാത്യൂസ്‌, ദിനേഷ്‌ ചണ്ഡിമല്‍, തിലകരത്ന ദില്‍ഷന്‍, നിരോഷാന്‍ ഡിക്‌വെല്ല, ഷെഹന്‍ ജയസൂര്യ, മില്ലിന്‍ഡ ശ്രിവര്‍ദ്ധന, ദസുന്‍ ഷനാക, ചമര കപുകേദര, നുവാന്‍ കുലശേഖര, ദുഷ്‌മന്ദ ചമീര, തിസാര പെരേര, സചിത്ര സേനാനായക്‌, രംഗണ ഹെറാത്ത്‌, ജെഫ്രി വണ്ടര്‍സയ്‌ എന്നിവരാണ്‌ 15 അംഗ ലങ്കന്‍ സ്‌ക്വാഡില്‍ ഉള്ളത്‌.
