ക്രിക്കറ്റ് ചരിത്രത്തിലെ പുതിയൊരു നേട്ടത്തിനുടമയായി ബംഗ്ലാദേശ് ഓപ്പണര്‍ തമീം ഇഖ്ബാല്‍. ഒരു വേദിയില്‍ ഏറ്റവും കൂടുതല്‍ റണ്‍സ് നേടുന്ന താരമെന്ന ശ്രീലങ്കന്‍ ക്രിക്കറ്റ് ഇതിഹാസം സനത് ജയസൂര്യയുടെ റെക്കോര്‍ഡാണ് തമീം പഴങ്കഥയാക്കിയത്. സിംബാബ്‌വെയ്‌ക്കെതിരെ നടന്ന മത്സരത്തിലായിരുന്നു തമിം ഈ തകര്‍പ്പന്‍ നേട്ടം സ്വന്തമാക്കിയത്.
71 മത്സരങ്ങളില്‍ നിന്നായി നാല് സെഞ്ചുറികളും, 19 അര്‍ദ്ധ സെഞ്ചുറികളും ഉള്‍പ്പെടെ ജയസൂര്യ 2514 റണ്‍സ് സ്വന്തമാക്കിയപ്പോള്‍, 74 മത്സരങ്ങളില്‍ നിന്നായി അഞ്ച് സെഞ്ചുറികളും, 16 അര്‍ദ്ധ സെഞ്ചുറികളുമടക്കമാണ് തമീം ഇഖ്ബാല്‍ 2549 റണ്‍സ് സ്വന്തം പേരിലാക്കിയത്.
