ബംഗ്ലാദേശിനായി 78 രാജ്യാന്തര ടി20 മത്സരങ്ങളാണ് 33കാരനായ തമീം ഇഖ്ബാൽ കളിച്ചിട്ടുള്ളത്. 24.08 ശരാശരിയിൽ 1758 റൺസാണ് താരം നേടിയിട്ടുള്ളത്. ഒരു സെഞ്ചുറിയും 7 അർധസെഞ്ചുറികളും ഇതിൽ ഉൾപ്പെടുന്നു. 103 റൺസാണ് ഉയർന്ന സ്കോർ. 2007ൽ കെനിയക്കെതിരെയായിരുന്നു രാജ്യാന്തര ടി20യിൽ തമീമിൻ്റെ അരങ്ങേറ്റം. കഴിഞ്ഞ വർഷം സിംബാബ്‌വേക്കെതിരെ അവസാന ടി20 മത്സരം കളിച്ചു. രാജ്യാന്തര റ്റി20യിൽ സെഞ്ചുറി നേടിയ ഏക ബംഗ്ലാദേശ് ബാറ്ററും ടി20 ഫോർമാറ്റിലെ ബംഗ്ലാദേശിൻ്റെ മൂന്നാമത്തെ ഉയർന്ന റൺവേട്ടക്കാരനുമാണ് തമീം ഇഖ്ബാൽ..
