ടോസ് നഷ്ടപ്പെട്ടു ബാറ്റിങ്ങിനിറങ്ങിയ വെസ്റ്റ് ഇന്‍ഡീസിനു വേണ്ടി നിക്കോളാസ് പൂറാന്‍ 25 പന്തില്‍ 75 റണ്‍സെടുത്തു. എട്ട് സിക്‌സും അഞ്ച് ഫോറും സഹിതം 300 സ്‌ട്രൈക്ക് റേറ്റിലാണ് പൂറാന്റെ വെടിക്കെട്ട് ഇന്നിങ്‌സ്. നായകന്‍ റോവ്മന്‍ പവല്‍ 25 പന്തില്‍ 52 റണ്‍സെടുത്തു. റതര്‍ഫോര്‍ഡ് 18 പന്തില്‍ 47 റണ്‍സുമായി പുറത്താകാതെ നിന്നു.
ഓസ്‌ട്രേലിയയ്ക്കു വേണ്ടി ജോഷ് ഇഗ്ലിസ് (30 പന്തില്‍ 55), നഥാന്‍ എലിസ് (22 പന്തില്‍ 39), ആഷ്ടണ്‍ അഗര്‍ (13 പന്തില്‍ 28), ടിം ഡേവിഡ് (12 പന്തില്‍ 25), മാത്യു വെയ്ഡ് (14 പന്തില്‍ 25) എന്നിവര്‍ പൊരുതി നോക്കിയെങ്കിലും വിജയത്തിലെത്താന്‍ സാധിച്ചില്ല.
