വിശ്വസനീയമായ കേന്ദ്രങ്ങളിൽ നിന്നും റിപ്പോർട്ടുകൾ വന്നിട്ടില്ലെങ്കിലും തീവ്രവാദ ഭീഷണിയുടെ ഭാഗമായി നഗരത്തീൽ സുരക്ഷ ശക്തമാക്കിയതായി ന്യൂയോർക്ക് പോലീസ് ഡിപ്പാർട്ട്മെൻ്റ് ബുള്ളറ്റിൽ പുറപ്പെടുവിച്ചു. ഐസിസ് അനുകൂല സംഘടനയിൽ നിന്നാണ് മത്സരത്തിന് ഭീഷണിയുള്ളതെന്ന് വാഷിങ്ങ്ടൺ പോസ്റ്റ് റിപ്പോർട്ട് ചെയ്യുന്നു. 34,000 പേർക്കിരിക്കാവുന്ന സ്റ്റേഡിയത്തിൽ പരമാവധി കാണികൾ എത്തുമെന്ന് ഉറപ്പാണ്. ഈ സാഹചര്യത്തീലാണ് സുരക്ഷ ശക്തമാക്കിയത്.സുരക്ഷാ പരിശോധനകൾക്ക് ശേഷമാകും ആരാധകരെ മൈതാനത്ത് പ്രവേശിപ്പിക്കുക. ജൂൺ രണ്ടിന് ആരംഭിക്കുന്ന ചാമ്പ്യൻഷിപ്പിനായി 20 ടീമുകളാണ് ഇത്തവണ മാറ്റുരയ്ക്കുന്നത്.
