ടി 20 ലോകകപ്പില്‍ രോഹിത് ശര്‍മയ്‌ക്കൊപ്പം നായകന്‍ വിരാട് കോലി ഓപ്പണറാകാനുള്ള സാധ്യത അസ്തമിച്ചു. ഓപ്പണര്‍മാരായി ഇറങ്ങുക രോഹിത് ശര്‍മയും കെ.എല്‍.രാഹുലും തന്നെ. ടീം സെലക്ഷന്‍ കമ്മിറ്റി തലവന്‍ ചേതന്‍ ശര്‍മയാണ് ഇക്കാര്യം വ്യക്തമാക്കിയത്. കെ.എല്‍.രാഹുല്‍, രോഹിത് ശര്‍മ എന്നിവര്‍ ഇന്നിങ്‌സ് ഓപ്പണ്‍ ചെയ്യും. ഇതില്‍ ആരെങ്കിലും ഒരാള്‍ കളിക്കാതെ വരുമ്പോള്‍ ഇഷാന്‍ കിഷനെ ഓപ്പണറായി പരിഗണിക്കും. മൂന്നാം ഓപ്പണര്‍ എന്ന നിലയില്‍ കൂടിയാണ് ഇഷാന്‍ കിഷനെ പരിഗണിച്ചിരിക്കുന്നതെന്ന് സെലക്ഷന്‍ കമ്മിറ്റി വ്യക്തമാക്കുന്നു.
