ടി20 ലോക റാങ്കിങ്ങിൽ ഒന്നാം സ്ഥാനം പിടിച്ച് സൂര്യകുമാർ യാദവ്. പാകിസ്ഥാൻ്റെ വിക്കറ്റ് കീപ്പർ ബാറ്റർ മുഹമ്മദ് റിസ്‌വാനെ പിന്തള്ളിയാണ് സൂര്യകുമാർ ഒന്നാമതെത്തി. ടി20 ബാറ്റർമാരുടെ റാങ്കിങ്ങിൽ ഒന്നാം സ്ഥാനത്തെത്തുന്ന രണ്ടാമത്തെ മാത്രം ഇന്ത്യൻ താരമാണ് സൂര്യകുമാർ യാദവ്.
2021 മാർച്ചിലാണ് സൂര്യകുമാർ ഇന്ത്യയ്ക്കായി അരങ്ങേറ്റം കുറിച്ചത്. 33 കളിയിൽ നിന്ന് ഒരു സെഞ്ചുറിയും 11 അർധസെഞ്ചുറിയും താരം ഇതിനകം കണ്ടെത്തികഴിഞ്ഞു. 863 പോയിൻ്റാണ് സൂര്യകുമാറിനുള്ളത്. രണ്ടാം സ്ഥാനത്തുള്ള മുഹമ്മദ് റിസ്‌വാന് 842 പോയിൻ്റാണ്. 792 പോയിൻ്റോടെ ന്യൂസിലൻഡിനെറ്റ് ഡെവോൺ കോൺവെയാണ് ലിസ്റ്റിൽ മൂന്നാം സ്ഥാനത്ത്. ലോകകപ്പിൽ മികച്ച പ്രകടനം നടത്തിയ ദക്ഷിണാഫ്രിക്കയുടെ റൂസ്സോ ടോപ് 10ൽ ഇടം നൃടി. കിവീസിൻ്റെ ഗ്ലെൻ ഫിലിപ്സും ആദ്യപത്തിലുണ്ട്.