Shivam Dube: ശിവം ദുബെയ്‌ക്കെതിരെ രൂക്ഷ വിമര്‍ശനവുമായി ഇന്ത്യന്‍ ആരാധകര്‍. ട്വന്റി 20 ലോകകപ്പില്‍ പാക്കിസ്ഥാനെതിരായ മത്സരത്തില്‍ ദുബെ മോശം പ്രകടനമാണ് നടത്തിയത്. നിര്‍ണായക സമയത്ത് ബാറ്റ് ചെയ്യാനെത്തിയ ദുബെ ഒന്‍പത് പന്തുകളില്‍ നിന്ന് മൂന്ന് റണ്‍സെടുത്ത് പുറത്താകുകയായിരുന്നു. മാത്രമല്ല പാക്കിസ്ഥാന്റെ സ്റ്റാര്‍ ബാറ്റര്‍ മുഹമ്മദ് റിസ്വാന്റെ ക്യാച്ച് ദുബെ നഷ്ടപ്പെടുത്തുകയും ചെയ്തു. കളിയില്‍ ഒരുതരത്തിലും ഇംപാക്ട് ഉണ്ടാക്കാന്‍ ദുബെയ്ക്ക് സാധിക്കുന്നില്ലെന്നും പ്ലേയിങ് ഇലവനില്‍ ഇനിയും അവസരം നല്‍കരുതെന്നുമാണ് ഇന്ത്യന്‍ ആരാധകര്‍ പറയുന്നത്.
