ദക്ഷിണാഫ്രിക്കയ്ക്കെതിരായ ട്വന്റി-20 സന്നാഹ മത്സരത്തിനുള്ള 12 അംഗ ഇന്ത്യന്‍ എ ടീമില്‍ സഞ്ജു വി സാംസണെ ഉള്‍പ്പെടുത്തി. ഈ മാസം 29നാണ് സന്നാഹ മത്സരം. എ ടീം അംഗങ്ങളായ മയാങ്ക് അഗര്‍വാള്‍ മനന്‍ വോറ, മന്‍ദീപ് സിംഗ് റിഷി ധവാന്‍ എന്നിവരും ടീമിലുണ്ട്.
72 ദിവസം നീണ്ടുനില്‍ക്കുന്ന ഇന്ത്യന്‍ പര്യടനത്തില്‍ ദക്ഷിണാഫ്രിക്ക മൂന്ന് ട്വന്റി-20 മത്സരവും അഞ്ച് ഏകദിനങ്ങളും മൂന്ന് ടെസ്റ്റുമാണ് കളിക്കുന്നത്. മഹാത്മാ ഗാന്ധി-മണ്ഡേല പരമ്പരയെന്ന് പേരിട്ടിരിക്കുന്ന പരമ്പരയിലെ ആദ്യ ട്വന്റി-20 മത്സരം ഗാന്ധിജയന്തി ദിനമായ ഒക്ടോബര്‍ രണ്ടിന് നടക്കും.
