ദുലീപ് ട്രോഫിയില്‍ ഇന്ത്യ എയ്‌ക്കെതിരായ മത്സരത്തില്‍ തകര്‍പ്പന്‍ പ്രകടനവുമായി തിളങ്ങി മലയാളി താരം സഞ്ജു സാംസണ്‍. ടോസ് നഷ്ടമായി ബാറ്റിംഗിനിറങ്ങിയ ഇന്ത്യന്‍ ഡിയ്ക്കായി മികച്ച തുടക്കമാണ് ദേവ്ദത്ത് പഠിക്കലും ശ്രീകര്‍ ഭരതും അടങ്ങുന്ന ഓപ്പണിംഗ് സഖ്യം നല്‍കിയത്.ഓപ്പണിംഗില്‍ സെഞ്ചുറി കൂട്ടുക്കെട്ടുമായി മികച്ച തുടക്കം നല്‍കാന്‍ ഇരുവര്‍ക്കുമായി. ദേവ്ദത്ത് പഠിക്കല്‍ 50 റണ്‍സുമായും ശ്രീകര്‍ ഭരത് 52 റണ്‍സുമായും പുറത്തായി. പിന്നാലെയെത്തിയ റിക്കി ഭുയിയും അര്‍ധസെഞ്ചുറിയുമായി തിളങ്ങിയെങ്കിലും പിന്നാലെ വിക്കറ്റുകള്‍ വീണത് ഇന്ത്യന്‍ ഡിയ്ക്ക് തിരിച്ചടിയായി.
