ന്യൂസിലന്‍ഡിനെതിരെ ബെംഗളുരു ക്രിക്കറ്റ് ടെസ്റ്റിനിടെ റിഷഭ് പന്തിന്റെ കാലിനേറ്റ പരിക്കിന്റെ വിശദാംശങ്ങളുമായി നായകന്‍ രോഹിത് ശര്‍മ. രണ്ടാം ദിവസത്തെ കളിക്ക് ശേഷമുള്ള വാര്‍ത്താസമ്മേളനത്തിലാണ് റിഷഭ് പന്തിന്റെ പരിക്കിനെ പറ്റിയുള്ള ചോദ്യങ്ങള്‍ക്ക് രോഹിത് മറുപടി നല്‍കിയത്. ന്യൂസിലന്‍ഡ് ഇന്നിങ്ങ്‌സില്‍ രവീന്ദ്ര ജഡേജയെറിഞ്ഞ 37മത് ഓവറില്‍ പന്ത് കാല്‍മുട്ടിലിടിച്ചാണ് റിഷഭ് പന്തിന് പരിക്കേറ്റത്. വേദന കൊണ്ട് പുളഞ്ഞ പന്തിന്റെ കാലില്‍ ഐസ് പാക്ക് വെച്ചാണ് ഗ്രൗണ്ടിന് പുറത്തെത്തിച്ചത്. പന്തിന് പകരം ധ്രുവ് ജുറലാണ് ഇന്ത്യയ്ക്കായി വിക്കറ്റ് കാക്കുന്നത്.