ഇപ്പോഴിതാ വെസ്റ്റ് ഇന്‍ഡീസ് ക്രിക്കറ്റിനെ മുന്നോട്ട് നയിക്കാന്‍ കെല്‍പ്പുള്ള താരം ആരായിരിക്കുമെന്ന് പ്രവചിച്ചിരിക്കുകയാണ് സൂപ്പർ താരമായ കിറോൺ പൊള്ളാർഡ്.യുവതാരം ഷിമ്രോണ്‍ ഹെറ്റ്മെയറിലാണ് ഇനി വിന്‍ഡീസ് ക്രിക്കറ്റിന്റെ പ്രതീക്ഷയെന്നും അടുത്ത തലമുറയെയും ടീമിനെയും മുന്നോട്ട് നയിക്കാൻ ഹെറ്റ്‌മേയറിനാകുമെന്നും പൊള്ളാർഡ് പറഞ്ഞു.
ഞങ്ങള്‍ക്കെല്ലാം ഹെറ്റിയെ ഏറെ ഇഷ്ടമാണ്. പ്രതിഭാധനനായ യുവതാരമാണയാള്‍. ഞങ്ങള്‍ക്കെല്ലാ ഹൃദയബന്ധമുള്ള ഹെറ്റിക്ക് വിൻഡീസ് ക്രിക്കറ്റിനെ മുന്നോട്ട് നയിക്കാനാവും എന്നാണ് കരുതുന്നത്. അവൻ മൂന്ന് ഫോർമാറ്റിലും കളിക്കണമെന്നാണ് ഞങ്ങളുടെയെല്ലാം ആഗ്രഹം. പൊള്ളാർഡ് പറഞ്ഞു.ഏകദിന ക്രിക്കറ്റിലും, ഐപിഎല്ലിലുംമികച്ച റെക്കോര്‍ഡുള്ള ഹെറ്റ്മെയര്‍ക്ക് ടെസ്റ്റിലും തിളങ്ങാനാവുമെന്നും ഒരു ടെലിവിഷൻ ചാനലിന് നൽകിയ അഭിമുഖത്തിനിടെ പൊള്ളാർഡ് പറഞ്ഞു.
