32 പന്തില്‍ 18 റണ്‍സെടുത്ത കോലി ആദ്യ ഇന്നിംഗ്സില്‍ 35 റണ്‍സെടുത്തിരുന്നു. ലഞ്ചിന് മുമ്പ് ശക്തമായ എല്‍ബിഡബ്ല്യു അപ്പീല്‍ അതിജീവിച്ച കോലി ലഞ്ചിനുശേഷമുള്ള മാര്‍ക്കോ ജാന്‍സന്‍റെ ആദ്യ പന്തിലാണ് മടങ്ങിയത്. കോലി പുറത്തായ രീതിയെ ലൈവ് കമന്ററിക്കിടെ ബാറ്റിംഗ് ഇതിഹാസം സുനില്‍ ഗവാസ്കര്‍ രൂക്ഷമായ ഭാഷയില്‍ വിമര്‍ശിക്കുകയും ചെയ്തു. ലഞ്ചിനുശേഷമുള്ള ആദ്യ പന്തില്‍ തന്നെ ഓഫ് സ്റ്റംപിന് പുറത്തുപോയ പന്തില്‍ ബാറ്റ് വെച്ച് പുറത്തായ കോലിയുടെ ബാറ്റിംഗ് തന്നെ അത്ഭുതപ്പെടുത്തിയെന്ന് ഗവാസ്‌കർ പറഞ്ഞു.
