അതേസമയം 2021ലെ ആദ്യ സെഞ്ചുറി എന്ന നേട്ടം കൂടി വില്യംസൺ സ്വന്തമാക്കി. ലോക ഒന്നാം നമ്പർ ടെസ്റ്റ് ബാറ്റ്സ്മാൻ എന്നത് വെറുതെയല്ല എന്ന് തെളിയിക്കുന്ന പ്രകടനമാണ് കഴിഞ്ഞ ടെസ്റ്റുകളായി വില്യംസൺ നടത്തുന്നത്. ഐസിസി ലോക റാങ്കിങ്ങില്‍ ഒന്നാമതുള്ള വില്ല്യംസണിന്റെ 24ആം ടെസ്റ്റ് സെഞ്ചുറിയാണിത്. കൂടാതെ വില്യംസണിന്റെ തുടര്‍ച്ചയായ മൂന്നാം സെഞ്ചുറി കൂടിയാണിത്. 259,129 എന്നിങ്ങനെയാണ് അവസാന രണ്ട് മത്സരങ്ങളിലെ വില്യംസണിന്റെ സ്കോറുകൾ.
അതേസമയം ഒന്നാം ഇന്നിങ്‌സില്‍ അസര്‍ അലി (93), മുഹമ്മദ് റിസ്‌വാന്‍ (61) എന്നിവരുടെ അര്‍ധ സെഞ്ചുറികളാണ് പാകിസ്ഥാന് മികച്ച സ്കോർ സമ്മാനിച്ചത്.കിവീസിനായി കെയ്‌ൽ ജാമിസൺ അഞ്ച് വിക്കറ്റ് എടുത്തു.ടിം സൗത്തി, ട്രന്റ് ബോള്‍ട്ട് എന്നിവര്‍ രണ്ട് വിക്കറ്റ് വീതം നേടി.
