കാലിനേറ്റ പരിക്കിനെ തുടര്‍ന്നാണ് ബട്ട്ലര്‍ക്ക് പരമ്പര നഷ്ടമായിരിക്കുന്നത്. 2024ലെ ടി20 സെമി ഫൈനല്‍ കളിച്ച ശേഷം ബട്ട്ലര്‍ ഇതുവരെയും ഇംഗ്ലണ്ടിനായി കളിച്ചിട്ടില്ല. അതേസമയം ഇതാദ്യമായാണ് ഹാരി ബ്രൂക് ഇംഗ്ലണ്ടിനെ നയിക്കാനൊരുങ്ങുന്നത്. 25കാരനായ താരം നേരത്തെ ഇംഗ്ലണ്ട് അണ്ടര്‍ 19 ക്യാപ്റ്റനായിരുന്നു. 5 ഏകദിനമത്സരങ്ങളാണ് ഓസ്‌ട്രേലിയക്കെതിരെ ഇംഗ്ലണ്ട് കളിക്കുന്നത്. ആദ്യപോരാട്ടം 19നാണ്. 21,24,27,29 തീയതികളിലാണ് ശേഷിക്കുന്ന മത്സരങ്ങള്‍.
