ജസ്പ്രീത് ബുംറ തിരിച്ചെത്തുന്നു; ഏഷ്യാ കപ്പും ലോകകപ്പും കളിക്കും
ബുധന്‍, 19 ജൂലൈ 2023 (10:06 IST)
ഇന്ത്യന്‍ പേസ് നിരയുടെ വജ്രായുധം ജസ്പ്രീത് ബുംറ തിരിച്ചെത്തുന്നു. ഏഷ്യാ കപ്പും ഏകദിന ലോകകപ്പും ബുംറ കളിക്കും. പരുക്കില്‍ നിന്ന് മുക്തനായ ബുംറ ബെംഗളൂരുവിലെ നാഷണല്‍ ക്രിക്കറ്റ് അക്കാദമിയില്‍ ബൗളിങ് പരിശീലനം ആരംഭിച്ചു.
ട്വന്റി 20 ലോകകപ്പ്, ടെസ്റ്റ് ചാംപ്യന്‍ഷിപ്പ് ഫൈനല്‍ തുടങ്ങി നിര്‍ണായക ടൂര്‍ണമെന്റുകളെല്ലാം ബുംറയ്ക്ക് നേരത്തെ നഷ്ടമായിരുന്നു. പരുക്കിനെ തുടര്‍ന്ന് കഴിഞ്ഞ പത്ത് മാസമായി ബുംറ ഇന്ത്യന്‍ ടീമില്‍ കളിച്ചിട്ടില്ല.
