Indian Squad for Sri Lankan series: ശ്രീലങ്കന്‍ പര്യടനത്തിനുള്ള ഇന്ത്യന്‍ ടീമിനെ പ്രഖ്യാപിച്ചു; ഹാര്‍ദിക്കിനെ വെട്ടി ഗംഭീര്‍, സഞ്ജുവിനെ ഏകദിനത്തില്‍ തഴഞ്ഞു
Indian Squad for Sri Lankan Series: ശ്രീലങ്കന്‍ പര്യടനത്തിനുള്ള ഇന്ത്യന്‍ ടീമിനെ പ്രഖ്യാപിച്ചു. രോഹിത് ശര്‍മ, വിരാട് കോലി എന്നിവര്‍ ഏകദിന പരമ്പര കളിക്കും. പരിശീലകന്‍ ഗൗതം ഗംഭീറിന്റെ വ്യക്തിപരമായ താല്‍പര്യത്തെ തുടര്‍ന്നാണ് ഇരുവരും ഏകദിന പരമ്പര കളിക്കാന്‍ തീരുമാനിച്ചത്. ഏകദിന പരമ്പരയ്ക്കുള്ള ടീമില്‍ ശുഭ്മാന്‍ ഗില്‍ ആണ് ഉപനായകന്‍.
അതേസമയം ഹാര്‍ദിക് പാണ്ഡ്യയെ വെട്ടി സൂര്യകുമാര്‍ യാദവിനെ ട്വന്റി 20 നായകനായി കൊണ്ടുവന്നതാണ് ഗംഭീറിന്റെ നിര്‍ണായക നീക്കം. സ്ഥിരതയില്ലായ്മയും ഇടയ്ക്കിടെ ഉണ്ടാകുന്ന പരുക്കുകളും ചൂണ്ടിക്കാട്ടിയാണ് പാണ്ഡ്യയെ നായകസ്ഥാനത്തു നിന്ന് ഒഴിവാക്കിയതെന്നാണ് സ്ഥിരീകരിക്കാത്ത റിപ്പോര്‍ട്ട്. ട്വന്റി 20 ടീമില്‍ പാണ്ഡ്യ ഇടം പിടിച്ചിട്ടുണ്ട്. മലയാളി താരം സഞ്ജു സാംസണ്‍ ഏകദിന ടീമില്‍ ഇല്ല. ട്വന്റി 20 ടീമില്‍ മാത്രമാണ് സഞ്ജുവിന് അവസരം.