നാല് മത്സരങ്ങളടങ്ങിയ ഇന്ത്യ- ദക്ഷിണാഫ്രിക്ക ടി20 പരമ്പരയിലെ നിര്‍ണായക മത്സരം ഇന്ന്. നാല് മത്സരങ്ങളുടെ പരമ്പരയില്‍ ഓരോ മത്സരങ്ങള്‍ വിജയിച്ചുകൊണ്ട് ഇരു ടീമുകളും നിലവില്‍ ഒപ്പത്തിനൊപ്പമാണ്. ആദ്യ മത്സരത്തില്‍ സഞ്ജു സാംസണിന്റെ വെടിക്കെട്ട് ബാറ്റിംഗിന്റെ മികവിലായിരുന്നു ഇന്ത്യന്‍ വിജയം. രണ്ടാം മത്സരത്തില്‍ വരുണ്‍ ചക്രവര്‍ത്തി തിളങ്ങിയെങ്കിലും മത്സരം വിജയിക്കാന്‍ ഇന്ത്യയ്ക്കായിരുന്നില്ല. മുന്‍നിര ബാറ്റര്‍മാര്‍ നിറം മങ്ങിയതാണ് ഇന്ത്യയെ പ്രതിസന്ധിയിലാക്കിയത്.
